غرام الأكابر منال عباس

ليدخل فجأة رامز، فقد حضر وسمع كل شيء دون أن يشعر به أحد: رامز: بس أنا ليا رأي تاني يا عمي.. إزاي يبقى ليا بنت عم وتتزوج غريب وأنا أولى بيها؟! عاصم بغضب: أنت ايه اللي جابك هنا؟! رامز ببرود: كنت جاي ليك الفيلا وجدتي عرفتني إنكم هنا عند يوسف ولؤي. رغد بحدة: وأنا مش هتجوز غير يوسف! عاصم لينهي ذلك الجدال: وأنا موافق على يوسف، ويلا يا مولانا كمل عقد القران. حكيم: خلاص يا رامز، كل شيء قسمة ونصيب. ليخرج رامز بكل غضب: والله حسابك تقل معايا يا عاصم أنت وغرام والحلوة اللي طلعت أختك!

تم عقد القران وسط فرحة الجميع… غرام بحب: مبروك يا رغد، وطلعتِ يا بت أخت الغالي! عاصم من ورائها: سامع حد بيجيب في سيرتي! (ليضحك الجميع..) لؤي: عمو حكيم، طب راجع نفسك كده تكون اتشقيت واتجوزت وعندك بنوتة تانية، فرصة والمأذون هنا بدل ما أنا الوحيد اللي سنجل فيهم! ليضحك حكيم: بس يا ولد عيب كده! لؤي: طب جوزوني واكسبوا فيا ثواب.. (ضحك الجميع على حديث لؤي……)

لينظر الجميع له باستغراب: عاصم: دي أخت عاصم السيوفي ولازم يتعمل ليها فرح يليق بمقامها.. بكره في أحسن فندق في مصر هيكون فرحك يا رغد! حكيم: هناخد رغد معانا لازم تخرج من بيت أبوها، هي دي الأصول.. يوسف: اللي تشوفه يا عمي..

غادر الجميع، وجلس يوسف يفكر: يا ترى أنا حبيتك يا رغد؟ غادر الجميع إلى فيلا السيوفي، وقص حكيم لوالدته عن رغد. محاسن بحب: أخيراً لقيناكي يا بنتي! حكيم: دورت عليكم كتير… الحمد لله إني شوفتك..

في مكان آخر: شادية: اسكتي أنتِ، أنتِ خايبة ووش فقر زي أبوكي… كان هناك من يستمع لحديث شادية. الشخص: ده أنتِ لقطة! ده أنا هحتاجك كتير في اللي جاي… أخيراً لقيت اللي هيساعدني! رامز: إزيك يا طنط؟ أنا رامز ابن عم عاصم وأعتبر أخوه. شادية بفرحة: أهلاً يا ابني! (ومدت يدها تسلم عليه..) رامز بخبث: مش تعرفيني على القمرات؟ (وهو ينظر لـ هند فهي فتاة جميلة بالرغم من صغر سنها إلا أنها مكتملة الأنوثة ولكنها في النهاية طفلة). شادية بفرحة: دي هند بنتي يا رامز بيه.. رامز: ممكن يا طنط أتكلم معاكي شوية؟ شادية: طبعا يا ابني………… (ودار حديث طويل بينهما..)

في الفندق يوم الزفاف: على الاستيدج يقف كل من يوسف ورغد يتراقصان وينظر إليها يوسف بإعجاب وكأنه يراها لأول مرة فهي فتاة غاية في الروعة والجمال. وكذلك عاصم وغرام يتراقصان. غرام بابتسامة: طب استعد للمفاجأة! تذهب غرام لتأخذ المايك من الفرقة الموسيقية وتبدأ في الغناء بصوت أذهل الجميع من روعته: “مكتوبة ليك إني أنا اللي تعيش لها.. مكتوبة على إسمك حياتي كلها.. أول ما قلت بحب كانت لي أنا.. مين تستاهلها غيري أو تتقال لها.. مكتوبة ليك وأهي كل حاجة في وقتها.. قول بقى يا حبيبي حبيبي لمين أنا لو مش ليك.. قول بقى يا حبيبي حبيبي هحب في مين غير فيك.. طب ده أنا أيامي وأحلامي وحياتي واقفة عليك.. نور عيني حبيبي حبيبي لمين أنا لو مش ليك..”