غرام الأكابر منال عباس

غادر الجميع ووصل غرام وعاصم إلى الفيلا، استقبلتهم محاسن. محاسن: اليوم كان وحش من غيركم! ذهبت إليها غرام بحب: أسفة يا جدتي مش هتتكرر تاني.. محاسن: لا يا حبيبتي أنا بهزر معاكم.. اخرجوا واتفسحوا أنتم شباب. لاحظت محاسن شرود عاصم: مالك يا عاصم؟ شكلِك في حاجة شغلاك. عاصم: لا أبداً يا جدتي.. بس مرهق شوية. محاسن: طيب يا حبيبي، خد مرتك واطلعوا استريحوا..

عند رامز: تناول رامز الكثير من الكحول فهو يشعر بضيق.. فلا زالت غرام بعد كل محاولاته ليست ملكه… اتصل على شادية.. شادية بدلع: ايوا يا رامز. رامز: عايزك حالا! شادية: إزاي بس؟! إحنا بالليل وزوجي قرب يرجع من الشغل.. رامز: يبقى أنتِ مش بتحبيني.. شادية: ما تقولش كده، أنا بحبك… رامز: يبقى تجيلي حالا. شادية: طيب هجيلك بس مش هقعد كتير. رامز: المهم تيجي..

كانت هند تقف من بعيد وتراقب والدتها واستمعت لمحادثة شادية مع رامز.. تصنعت شادية المرض أمام بناتها: شادية: هنزل أروح أكشف.. سماح: أجي معاكي يا ماما؟ شادية: لا ما ينفعش، نترك أختك لوحدها؟ أنا بس هكشف وهاجي على طول. رنت جرس الباب ليفتح لها رامز: رامز: فتحي مخك وليكي عندي مكافأة كبيرة.. شادية: إذا كان كده ماشي، وسيبني أفكر أنفذ إزاي.. (وتركته وغادرت..)

عند لؤي: لؤي: ألو سما، ممكن نتقابل بكرة؟ سما بخجل: أوك. لؤي: خلاص نتقابل بكرة الساعة 4 هجيلك أخدك. سما: تمام هنتظرك أمام الشركة إن شاء الله. لؤي: إن شاء الله.. تصبحي على خير. سما: وأنت من أهل الخير.

عند حسن: هند وهي تنظر لوالدها المسكين: مش هتتعشى يا بابا؟ حسن: ومين يجيله نفس ووالدتك تعبانة؟ (وأخذ شادية لحجرتهم كي تستريح..)

عند عاصم: أحضر عاصم كوباً من اللبن الساخن وذهب إلى غرام. عاصم: اتفضلي حبيبتي اشربي اللبن. غرام: ياه يا عاصم جايبه بنفسك؟ عاصم: عارفة يا غرام بحسك بنتي قبل ما تكوني مراتي، ربنا يديمك عليا نعمة.. غرام: ربنا ما يحرمني منك يا قلبي. (وأخذت كوب اللبن وشربته..)

في صباح يوم جديد: يأخذ عاصم غرام لإيصالها إلى الجامعة بعد أن تناولوا الإفطار.. وصلا إلى الجامعة: عاصم: خلي بالك من نفسك يا غرامي. غرام: وأنت كمان يا حبيبي. تدخل غرام الجامعة وتجد رغد في انتظارها.. يدخلون المدرج وتدون غرام كل شيء. رغد: لما تخلصي كتابة ابقي أصور منك! غرام بضحك: ماشي يا كسولة… (ويضحكان سوياً..)