غرام الأكابر منال عباس
عند يوسف: دخل ليطمئن على والدة رغد. والدتها بصوت منخفض: دكتور، بنتي فين؟ يوسف: واقفة برة يا ماما، واطمني أنا دكتور جامعة وبنت حضرتك طالبة عندي.. الأم: خلي بالك منها يا ابني هي ملهاش حد في الدنيا.. يوسف: اطمني يا ماما وإن شاء الله هتكوني كويسة. وخرج ليخبر رغد أن والدتها قد فاقت وتريدها… ليجد غرام. عاصم: إزيك يا يوسف؟ يوسف باستغرب: عاصم؟! ايه اللي جابك هنا؟ في حد تعبان بعد الشر؟ عاصم: لا أبداً، أنا جاي علشان غرام.. غرام زوجتي. ظهر التوتر والمفاجأة على وجه يوسف مما جعل عاصم يستغرب موقفه.. يوسف: مبروك يا صاحبي.. مبروك يا مدام غرام. آنسة رغد، والدتك فاقت وعايزاكي.. استأذنتهم رغد للدخول لوالدتها مع دكتور يوسف، وشكرت عاصم وغرام بحضورهم..
غرام: وأنت أكتر.. عاصم، ممكن أسألك سؤال؟ عاصم: طبعا حبيبتي. غرام: ممكن يجي يوم وتسيبني؟ غرام بكسوف: طيب تعالى نسلم على رغد ونعرفها إننا هنمشي.. طرقت باب غرفة والدة رغد وصافحتها وأخبرتها أنها ستأتي مرة أخرى لزيارتها. غادرا أبطالنا بعدما زادت ثقة عاصم أكثر في زوجته… أما غرام فحديث النفس قد انتصر لتغلق أي باب للشك بينها وبين زوجها…
وصل الزوجين إلى الفيلا: عاصم: حبيبتي اطلعي غيري هدومك هعمل حاجة وأجيلك. غرام: حاضر. ذهب عاصم للخدم وأمرهم بتحضير عشاء رومانسي ومعه الشموع والفاكهة، ثم اتصل على رامز..
الفصل التاسع
رامز: ايوا عاصم إزيك؟ عاصم: كويس. رامز: ايه الأخبار فكرت في كلامنا؟ ضحك عاصم بضحكة جعلت رامز يهابه: رامز: في ايه مالك.. عاصم: شكلِك ما بتتعلمش ومش عارف بتتعامل مع مين.. رامز: تقصد ايه؟ عاصم: أقصد هارد لك، والمرة دي هعديها بمزاجي علشان خاطر عمي.. لكن لو اتكرر إنك بس تفكر في غرام… يبقى أنت اللي اخترت أتصرف بطريقتي! وأغلق هاتفه.. رامز بغيظ: اه يا غرام! بقى روحتي عرفتيه؟ كده اللعب أحلوت وهيكون اللعب على المكشوف…
عند لؤي: وصل لؤي مستشفى أخيه يوسف: لؤي: الحقني يا يوسف أنا بموت! يوسف بقلق: مالك فيك ايه؟ لؤي: أنا هنا أهو في الاستقبال عندك تعالى ليا. ذهب يوسف مسرعاً ومعه رغد للاطمئنان على أخيه. لؤي: اووووبا! مين المزة دي؟! يوسف بإحراج: وبعدين معاك.. ما أنت واقف زي القرد أهو أومال تعبان ايه! لؤي: أنا كنت قريب منك قولت أسلم عليك … مش هتعرفني على القمر؟ رغد بإحراج وهي تنظر ليوسف. لؤي متسرعاً: أكيد دي اللي شغلت تفكيرك، ذوقك حلو أوووي! يوسف: أنت زودتها اوووي! لؤي: يا آنسة ده مجنون بيكي بس هو بينحرج. فرحت رغد فهي معجبة بيوسف، أما يوسف شعر بالإحراج لسوء التفاهم.. تركهم لؤي وغادر. يوسف وهو ينظر إلى رغد وقرر أن يصلح سوء التفاهم.. لينادي عليه أحد الأشخاص………
