غرام الأكابر منال عباس
أما محاسن بضيق: أنتِ يا ست شادية ابقي اختاري كلامك بعد كده! حسن: إحنا أسفين يا ست هانم. وأخذ زوجته وبناته وغادروا. رغد بحزن من أجل صديقتها فهي تعلم أن شادية لا تحب غرام وتدبر لها دائماً المكائد. حكيم: مفيش حاجة يا جماعة أكيد ده سوء تفاهم..
ليصل الطبيب، يستغرب الجميع وجود الطبيب، ينزل عاصم ليأخذ الطبيب معه ويخبرهم أن غرام فاقدة للوعي. يصعد الجميع فالجميع متفاجئ لما يحدث وينتظرون خروج الطبيب. بعد مدة خرج الطبيب: محاسن: خير يا دكتور؟ الطبيب: ألف مبروك يا حكيم باشا.. ألف مبروك يا عاصم المدام حامل!
الفصل الثاني عشر
محاسن بفرحة: مبروك يا حبيبي! رغد والجميع فرحون من أجل عاصم وغرام، إلا أن رامز كان في شدة الغضب، فحمل غرام جاء في الوقت غير المناسب.
غرام في الغرفة: أتستحمل إن في حد في حياتك؟ غرام: تفتكر واحدة عاشت الحياة اللي عشتها هيكون في حد في حياتها؟! ثم رسالة ايه اللي بتتكلم عنها؟! ده أستاذ خالد ده كان بيعطف عليا علشان أنا يتيمة، كل الحكاية إنه كان بيديني الدرس من غير فلوس ويقولي أنا لو ربنا كرمني وخلفت بنت اتمنى تكون زيك.. كان بيعتبرني زي بنته لأنه ما بيخلفش.. وأنت عارف إن مرات عمي مستكترة عليا إني أكون سعيدة.. عاصم: طب ممكن ما تعيطيش أنا مش قادر أستحمل زعلِك… وشادية دي أنا ليا حساب معاها! غرام: خلاص يا عاصم مسمحاك. أخذها عاصم وبداخله يتوعد لـ شادية وقرر البحث عن صاحب ذلك الرقم… عاصم بحب: مبروك يا غرامي هتبقي أحلى مامي في الدنيا.. غرام: وأنت أجمل بابي في الدنيا!
عند حسن: وصل حسن هو وأسرته إلى منزله. حسن بغضب: ايه اللي قولتيه ده؟! وأنتِ خرجتِ أمتى وقابلتِ أستاذ خالد؟! شادية وهي تتلعثم: أصل.. أصل…. حسن: طول عمرك إنسانة حقودة.. عملت ايه البنت المسكينة علشان تخربي عليها؟! ديماً كنتِ بتعامليها زي الخدامة.. ونسيتِ إن البيت اللي إحنا عايشين فيه ده ملكها وورثها عن أمها! بنتك الصغيرة فهمت تصرفاتك الغلط، روح منك لله! (وأخذ ابنتيه ودخل حجرتهم وتركها..) شادية: مش مهم زعلكم دلوقتي أنا بدور على مصلحة بناتي..
غادر مراد وزوجته وأولاده بعد أن باركوا لهم. وصل رامز هو وأخته شمس إلى الفيلا. رامز: شمس، كده ده دورك يا شمس. شمس: دور ايه؟ رامز: تتجوزي عاصم وأنا هخليه يشك إن البيبي ده ليه! شمس: ليه يا رامز..؟ ليه كل الشر ده؟! أنا اه كنت اتمنى إن عاصم يحبني.. بس خلاص عاصم اختار طريقه.. وأنا كمان هدور على طريقي…. رامز: يعني هتتنازلي عنه بالسهولة دي؟ شمس: أنا عمري ما هكون بالحقد ده… (وتركته وذهبت لحجرتها..) رامز بغضب: طول عمرك غبية وما تعرفيش تعملي حاجة.. وفكر في شادية.. اتصل على شادية. شادية بخوف أن يسمعها زوجها: ألو يا رامز باشا. رامز: عايز أتكلم معاكي. شادية: مش هينفع يا بيه جوزي موجود.. رامز: تعاليلي على العنوان ده………… شادية: هكون عندك في الميعاد. وأغلقت الهاتف.
