بيت نوال حواديت توتا
فتح الملف وقال: “في سنة 2001، محمود وعادل منصور دخلوا مشروع مقاولات؛ محمود كان عنده 50% من المشروع وعادل 50%.. حصلت خلافات بعد ما حاول عادل ياخد نصيبه ومحمود اكتشف إن عادل كان بيحوّل جزء من الأرباح لحسابات تانية.” قالت نوال: “سرقة؟” قال: “أيوه.. وواجهه، وعادل ماكانش لوحده.” سألت: “مين؟” بص لها المستشار مباشرة وقال: “كريم.”
شهقت نوال: “ابني؟!” قال: “أيوه.” قامت من مكانها وقالت: “لا.. كريم كان وقتها طفل!” رد: “كان عنده 19 سنة، صغير لكن كان عنده وصول لأوراق الشركة.” حطت نوال إيدها على دماغها: “إنت بتقول إن ابني سرق أبوه؟” قال: “أنا بقول إن محمود اكتشف إن كريم كان بيمرر معلومات لعادل.” دموع نوال نزلت وسألت: “ليه؟” قال: “الطمع.. كريم وقتها كان عايز يبدأ حياته بسرعة وعادل وعده بحصة كبيرة.” سألت: “ومحمود عرف؟” قال: “عرف وستر عليه.. لأنه ابنه.” سكت سامح ثم قال: “محمود دفع من جيبه عشان يغطي الخسارة وأنهى شراكته مع عادل اللي اختفى من المشهد.”
سألت نوال: “طب ليه رجع دلوقتي؟” رد سامح: “لأن المشروع القديم ماكانش انتهى.. الأرض اللي كان المشروع عليها بقت دلوقتي في قلب واحدة من أغلى المناطق الجديدة وقيمتها عشرات الملايين، ومحمود كان شاري الأرض باسم شركة قديمة اسمها (الدسوقي للمقاولات والاستثمار).” سألت: “إزاي والشركة راحت؟” وضع مستند وقال: “لسه موجودة، لأن محمود قبل وفاته نقل ملكية الشركة بالكامل لاسمك.”
فتحت نوال بوقها: “ليا؟ أنا ماكنتش أعرف!” قال: “هو ماقالكيش لأنه كان عارف إن ولادك لو عرفوا ممكن يحصل صراع.” طلع مفتاح صغير وقال: “وده اللي كان محمود بيقصد عليه.. المفتاح للخزنة في مكان قديم تابع للشركة، ومفتاحها معاكي.” افتكرت نوال المفتاح النحاسي.
قال سامح: “وللي في الخزنة أوراق ملكية، حسابات، عقود، وحاجة أهم.. دليل على إن عادل حاول يزوّر عقود ملكية الأرض.” قامت نوال وقالت: “عايزة أشوف الخزنة.” قال سامح: “مش دلوقتي.. لأن حد عرف إن البيت اتباع.. عادل، وهو لسه عايش وموجود في مصر وعلى تواصل مع كريم.”
قعدت نوال تاني وكانت الصدمة أكبر من قدرتها. وفي نفس الوقت، كان كريم قاعد في مكتبه قدام عادل منصور وقال: “أنا عملت اللي طلبته.. البنك أخد البيت.” سأل عادل: “وأمك؟” قال كريم بضيق: “مش عارف.” قال عادل: “لازم تعرف، لأن أبوك كان مخبي حاجة.. شركة.” قال كريم: “الشركة ماتت من زمان.” رد عادل: “أبوك أذكى منك، وأمك دلوقتي هي مفتاح كل حاجة، لازم نوصل لها قبل ما المحامي يوصل لها.”
