انا وخطيبتي روماني مكرم

أحمد: حضنت اختي وسط القاعة وأنا بفتخر بيها قدام كل الناس. مريم ما استسلمت للبُكاء والعويل، ما قعدت تدب على وشها تقول “يا فضيحتي”، مريم أخذت حقها بالقانون وبذكائها وبمساعدة الطيبين.

مريم: #الكاتب_رومانى_مكرم_ خرجت من مبنى المحكمة وأنا بتنفس الهواء النقي. الشمس كانت بتضرب في وشي، بس المرة دي كنت شايفة المستقبل بنظرة مختلفة خالص. اللعبة انتهت، والنصاب أخد جزاءه، والظالم شرب من نفس الكأس اللي حفرها لغيره.

الحكمة العبرة:

الحب بيبدأ بـ “احترام وأمان”، مش بـ “كلام معسول ووعود وهمية”. القرش اللي بتتعب فيه الست بيمينها وشقاها هو حصنها وكرامتها، والراجل بجد هو اللي يبني معاها ويتعب عشانها، مش اللي يستغل حنيتها وطيبتها عشان يستولى على عرقها. وإياكي تصدقي إن السكوت على الحق حماية للمظهر والفضيلة؛ السكوت على النصاب بيخليه يستقوى ويدور على ضحية جديدة. القانون والوعي والشجاعة هما الس/لاح الحقيقي ضد كل خائن، والحرام مهما كبر وتزوق وتستر بالذكاء.. آخرته مظلمة، والحق دايماً بيبان ويفضل صاحبه مرفوع الرأس.