زي ما انتو والله ما تقومو خايفين ليه مفيهاش حاجه يعني لما اجي الاقي جوزي جايب واحد في سريري
رشاد بص لرباب عايز يكلمها بس دفعته وقالت بغضب: انا قلت لك احنا في المطبخ لكن ما بتفهمش لازم تفضحنا عاجبك كده! وطلعت على الاوضه وهي هموت.
رشاد اتنهت وطلع وراها، واول ما دخل لقاها قاعده على السرير بكسوف ودموع قرب منها وقال بضحك: انتي زعلانه ليه دلوقتي هم قفشوكي مع واحد في القصب انا جوزك سواء هناء او في المطبخ او في الحمام او في الشارع حتى جوزك يا هبله.
رباب قالت بارتباك: انت سهل عليك المواضيع دي ومتعود عليها ياما بتتقفش كده لاكن انا لا وقلت لك خلينا في اوضه.
رشاد ضحك وقال: اصل ساعه الحظ ما بتتعوضش وبعدين هو انت راضيه بحاجه في اوضتنا؟
رباب ضحكت بخفه وقالت: انت مجنون اصلا وهتجيب لي بلوه.
رشاد قرب منها قوي وقال: ما تخلينا نكمل اللي كنا بنعمله تحت.
رباب بعدت بسرعه وقالت: لا ما هنعملش حاجه واتلم بقى روح افطر مع ابوك و كفايه فضايح.
رشاد قال: يا بنت ابويا مين ده وقته و بعدين ما تلبسيش العبايه السمراء دي وتنزلي بها تحت تاني.
رباب قالت بدلال: ليه مش عاجباك؟
شدها عليه بقوه وقال: لا عجباني وتعجب اي حد بس ضيقه قوي بتشعلل ناري لاهو باين ولا متداري.
رباب ضحكت جامد وقالت: حاضر ما هلبسهاش تاني.
رشاد قال: تسلملي كلمة حاضر من شفايف واه.
رباب اتوترت قوي من كلامه وقربه ورشاد حس بتوترها وقال: انا عارف انك خايفه مني يا رباب وفاكره اني بتسلى وهنا بس وحياه عيونك انا ميت عليكي و ماجاي على بالي اي مره غيرك بفكر فيكي ليل ونهار يعني لو ممكن ناخد فرصه مع بعض وتبقي عيلتي وكل دنيتي نفسي اجيب منك عيل يشبهك وارتاح من المرمطه ده.
رباب كانت بتبص لعيونه الي واضح فيهم صدق كلامه بس حاسه بارتباك شديد قالت: انا…
بس رشاد قاطعها و حط صباعه على شفايفها وقال: انا عارف انك لسه خايفه ومش هتطمنيلي بسهوله وحقك مش لايمك على حاجه وخدي وقتك مش هصر عليكي ولا اضايقك.
وسابها وبعد ولسه هيمشي مسكت ايده وقربت منه وقالت بكسوف: بس انا مطمنالك يا رشاد معارفاش ليه بس حاسه عيونك مكدبتش عليا و حاسه انك عايزني فعلا وبتحبني زي ما انا.
ونزلت عيونها في الارض بكسوف.
رشاد اندهش وكان في قمه السعاده رفع وشها ليه وبص لعيونها بشوق وقال: قوليها قولي اللي في قلبك يا رباب نفسي اسمع.
