زي ما انتو والله ما تقومو خايفين ليه مفيهاش حاجه يعني لما اجي الاقي جوزي جايب واحد في سريري
رباب بصتلو بدهشه وقالت: ايه يا اخويا؟
رشاد كان عايز يضحك على شكلها وقال: زي ما بقولك كده مدام انتي مبتغيريش وكل المشكله في منظرك خلاص اروحلها انا ومش هجيبها هنا تاني واصل مرضيه؟
رباب حست بخنقه وكانت هتتجنن من كلامه بس مبينتلوش ابتسمت بالعافيه وقالت: اه كده احسن.
وبقت تحاول تنام وهيه متغاظه جدا.
رشاد ابتسم بسعاده مش مصدق لاول مره يحس انها غيرانه عليه بعد شويه شدها وضمها بقوه لحد ما راح هو كمان في النوم.
في صباح يوم جديد كانت رباب مع الخدامات في المطبخ بتديهم التوجيهات وبيحضرو الفطار.
دخلت ست في الـ 50 وقالت بضيق شديد: صباح الخير يا مرت الولد انا يا حبيبتي مش قايله لك 100 مره تريحي نفسك وما تديش الاوامر مدام انا موجوده انا ست الدار ده ومرت العمده وانا الي امر وانهي هنه ولا ايه؟
رباب اتنهدت بخنقه وقالت: ابدا يا مرت عمي مش ناسيه بس كلهم صحيو وجعانين وانتي كنتي لسه نايمه فقلت اشق على المطبخ مش أكثر.
مرات العمده قالت بغضب شديد: انا نايمه بس بتي موجوده وصاحيه وهيه اولى بدار امها.
رباب لسه هترد رشاد دخل وقال بغضب: رباب زيها زي بتك بهانه واكتر رباب مرت العمده الصغير والوريث لكل الدار ده باللي فيه يا مرت ابوي انت صح مرت ابوي وليكي في الدار بس بتك مجرد ضيفه فيه مش معنى ان احنا قابلين انها تفضل معاكي عشان ما تبعدش عنك تفكري انها بقت ست الدار وليها الاولويه على مرتي.
مرات ابوه اتوترت قوي وقالت بارتباك: انا مقصديش يا رشاد يا ولدي انا قصدت اريحها البنيه تعبانه طول اليوم.
رشاد قال بضيق: لا ريحي نفسك انتي هيه مرتاحه ومشكتش ده غير ان انا بحب اكل من عمايل مرتي وبس بستنضف اكلها.
مرات ابوه اتغاظت قوي وبصت لهم بتوعد وطلعت من المطبخ وهي هتتجنن.
رباب بصتلو بابتسامه وهيه طايره من السعاده لانه دافع عنها بالشكل ده.
رشاد بص للخدامات وقال: الفطار جهز؟
قالوا بسرعه وقلق: جهز جنابك وهنحضرو السفره على طول.
رشاد قال: طيب يلا كل واحده تروح تشوف لها شغله احنا هنودي الفطار.
الخدامات استغربوا قوي لانه اصلا مش بيدخل المطبخ وطلعو بسرعه وهما بيتهامسو.
رشاد قرب على رباب بابتسامه وقال: صباح الورد كده تقومي من غير ما تخليني اشوف عيونك صحيت ما لقيتكش جاري.
