زي ما انتو والله ما تقومو خايفين ليه مفيهاش حاجه يعني لما اجي الاقي جوزي جايب واحد في سريري
وصصرخت بكل قوتها وقالت…. يلااااااااااااااااااااهوي الحقوني يا خللللللللللق انجدوني يا نااااااس!
رشاد والبنت اتوتروا جدا لما بقت تصوت، ورشاد جري عليها بغضب يسكتها وهو بيقول: اكتمي يا بت هتفضحيني الله يخرب بيتك.
رباب بصت له بغضب وقالت: انت لسه مشفتش فضايح يا ابن العمده، وبقت تصوت اكتر.
مفيش دقائق وكان العمده دخل البيت، العمد طلع فوق و بقى يخبط على اوضه رباب وهو بيقول: في ايه يا رباب في ايه افتحي يا بتي.
رشاد بلع ريقه بتوتر شديد والبنت بقت تلطم وبصلها برجاء وقال: رباب انتي عارفه ان انا ما ليش اي صالح باللي حصل معاكي من الاول و…
ولسه هيكمل كلام سمع صوت شيخ البلد بيقول: انت لسه هتتكلم يا وهدان لتكون البنت حصل لها حاجه اكسر الباب نادي الغفر يكسروه.
البنت ضربت على خدودها بصدمه وهي بتقول: ابويا يا مري ابوي معاه!
رباب بصت لهم بابتسامه وقربت من رشاد وبصت له وقالت: الستر من الله يا ابن العمده وليه عندك واحده.
رشاد قال بسرعه: ليكي 10 20 قد معايزه بس بلاش فضايح.
رباب ضحكت بسخريه وقالت: طب خبيها.
رشاد اخذ البنت وخباها في الدولاب، ورباب راحت فتحت الباب وقالت بخوف مصتنع: ايوه يا عمي.
العمده قال: في ايه يا بتي كنتي بتصرخي كده ليه؟
رباب قالت: ولا حاجه يا عمي حيه حيه كبيره قوي اتخضيت وفضلت اصرخ بس الحمد لله رشاد كان قريب وجه ق/تلها.
العمده اتنهد بارتياح وقال: هو انت هنا يا رشاد يا ولدي جيت ميته؟
رشاد قال بارتباك: جيت على صوتها يا ابوي كنت قريب وسمعتها بتصرخ.
العمده اتنهد وقال: حصل خير انا كنت في المجلس قريب مع الرجاله وسمعناها بتصوت المهم ان محصلش حاجه.
رشاد قال بتوتر: متقلقش انت يا ابوي حصل خير.
العمده قال: طيب انا نازل الرجاله مستنيين تحت في المندره جم معاي هنزل لهم.
رشاد قال بارتباك: يعني انت هتفضل في المندره؟
العمده قال: ايوه الناس جم معاي كتر خيرهم.
رشاد بص على شيخ البلد اللي كان واقف معاه بس على جمب وقال: يعني هتفضلو كلكم في المندره؟
العمده استغرب وقال: ايوه يا ولدي امال هنروحوا فين؟
رباب قالت بسرعه: لا هو بس متوتر الحيه كانت جامده روح انت يا عمي شوف اللي وراك و ما تقلقش.
ابوه نزل هو وشيخ البلد، ورباب ضحكت جامد وقعدت على السرير.
