زي ما انتو والله ما تقومو خايفين ليه مفيهاش حاجه يعني لما اجي الاقي جوزي جايب واحد في سريري
رشاد بصلها بغيظ وقال: وعلى ايه ان شاء الله انا لو قلت يا حريم الاقيهم بالدور ما ناقصش عليكي عشان اخدك غصب، واقرب منها وقال: انا عايزك برضاكي تبقي عايزاني زي ما انا عايزك نفسي زي ما انا دايب في بحور عينيك.
رباب حاولت تبعده بس ما قدرتش كان متمكن منها قوي قالت بضعف: سيبني يا رشاد قلت لك ما عاوزاش.
وقرب منها تاني بس حطت ايدها على صدره ومنعته وقالت: بس شكرا على التوصيل كفايه لحد كده.
رشاد بص لها بدهشه وقال: لا كفايه ايه ده احنا ما صدقنا.
رباب بعدت اكتر وقالت: وبعدين يا رشاد قلت لك خليك بعيد.
رشاد اتنهد بضيق وخنقه وانام وبص بعيد عنها وهو متضايق جدا وبيقول: شكرا على التوصيله ما هو طبعا حمار وصلك وطلع بلا برسيم.
الجزء الثالث
رباب كانت عايزه تضحك على عصبيته وقالت بغضب مصطنع: ليه ان شاء الله ولا هتطمع؟
رشاد بص لها بدهشه وقال: هو ده اخر حاجه ممكن نعملها سوا؟
رباب نزلت عينيها بكسوف وقالت: لا يعني بس واحده واحده كل يوم اعمل حاجه يعني.
رشاد ضحك وقال: كل يوم اعمل حاجه ده على بال ما اوصل للي عايزه مش هقدر اعمله!
رباب قالت باستفهام: ومش هتقدر تعمله ليه؟
رشاد ابتسم بسخريه وقال: هكون عديت الـ 80 وخلص البنزين!
رباب ضحكت جامد لما قال كده وقالت: لا ان شاء الله مش هتكون عدت الـ 80 يلا نام وعدي ليلتك انا لسه ما نسيتش اللي انت عامله من شويه.
رشاد قال بضيق: على اساس فرقت معاكي؟
رباب حست بنار جواها من مجرد كلام وقالت: لا بحس يا رشاد بحس بس اللي ما يقدرش احساسي ما يستاهلش ابينهوله.
ونامت وبصت بعيد عنه بغضب.
رشاد اتفاجئ من اللي قالته واستغرب جدا معقوله بتغير عليه؟ من وقت ما اتجوزها محسش بكده ابدا رغم انه حاول كثير يخليها تغير بس ما كانش بتفرق معاها، قرب عليها وقال بهمس: هو انتي بتغيري عليا ولا انا فهمت غلط؟
رباب قالت بضيق: لا فهمت غلط.
رشاد ابتسم وقال: امال ايه الصح؟
رباب قالت بغضب: الصح انك مينفعش تعمل اللي عملته ده مهما كانت علاقتنا مع بعض مش كويسه مينفعش تعمل حركة زي دي.
رشاد اتنهد وقال: ايوه فهمتك معاكي حق وحقك عليا مش هعملها تاني ابدا والله، وكمل وقال بخبث: هطلع اقابلها بره عمري ما اجيبها تاني هنا في بيتنا.
