زي ما انتو والله ما تقومو خايفين ليه مفيهاش حاجه يعني لما اجي الاقي جوزي جايب واحد في سريري
رشاد بص لها بغيظ وقال: بتضحكي على ايه دول هيقعدوا في المندره هننزلها كيف دلوك؟
رباب ضحكت تاني وقالت: وانا دخلي اي بالهباب ده كله زي ما دخلت تطلع.
رشاد اتنهد وقال: هيه دخلت لما كان الدار فاضي دلوك ابوي والرجاله تحت وهيشوفوها.
رباب بصت له بضيق وقالت: اتصرف زي ما فالح تعك افلح واتصرف.
رشاد اتنهد وطلع البنت من الدولاب وقال بغضب: انتي كمان هدومك خلينا نخلص في يومك اللي مش معدي ده.
البنت بقت بتوتر وخوف، ورباب طلعت نقاب من بتوعها وعبايه من الدولاب وحدفتهم عليها وقالت: البسي دول واطلعي اكنك واحده من الخدم محدش هيسالك اصلا.
البنت ابتسمت بسعاده وجريت عليها، البنت لبست بسرعه ومشيت ورشاد فضل باصص من البلكونه لحد ما اتاكد انها طلعت من الجنينه كلها واتنهد بارتياح وقعد على السرير وهو حاسس رجليه مش شايلاه.
رباب ضحكت على منظره وقالت: احلى حاجه في اللي حصلت دي انك هتتربى واتحرم تجيبها هنه تاني.
رشاد اتنهد بتعب و قال: لا ما تقلقيش لا هي ولا غيرها مبقاش فيا اعصاب اصلا.
رباب ضحكت واخذت هدوم من الدولاب وقالت: هدخل استحمى عايزه اطلع الاقيك نظفت السرير وغيرت المفرش والمخدات وعطرته كمان لاني زي ما قلت لك بقرف.
واخذت الهدوم ودخلت الحمام، ورشاد بص لطيفها بغضب شديد وقال: يا صبر ايوب من عندك يا رب، وبدا فعلا يعمل السرير زي ما قالت له.
رباب دخلت الحمام واول ما دخلت وقفت وقالت اتكأت عليه وحطت ايدها على بقها علشان ميسمعش صوت بكاها وبقت تبكي بانهيار وهيه مش قادره تنسى المنظر اللي شافته وحاسه بوجع شديد قوي في قلبها.
رباب قامت ومسحت دموعها واستحمت ولبست ووقفت قدام المرايه وهي بتحاول تصطنع الابتسامه والبرود اتنهدت وخرجت من الحمام.
الجزء الثاني
رشاد كان متابعها بعيونه وهيه وقفت قدام المرايه بتظبط شعرها بمنتهى الهدوء و بتدندن مع نفسها.
رشاد اتنهد بضيق وقال: ما شاء الله عليكي اخر رواق.
رباب بصتلو بطرف عينها وقالت: وايه اللي هيعكرني بقى؟
رباب كانت بتغلي من جواها بس ضحكت وبصت له وقالت: مش لما تكون جوزي الاول!
ولسه هتمشي مسكها من ذراعها وشدها عليه بغضب وقال: انا جوزك يا رباب غصب عن عينك ومش هسكت على عمايلك دي كثير.
