طلب عجيب حكايات صافي هاني

خطيبي أصر إني أستحمى مرتين كل يوم لكن السبب الحقيقي اتكشف أول مرة دخلت بيت أمه

من أول ما اتخطبنا وكل حاجة بينا كانت ماشية حلو

كنا متفاهمين وحاسّة إني لقيت الشخص اللي هكمل معاه عمري

لكن في يوم قال لي كلام قلب حياتي كلها

بصلي بجدية وقال لازم تستحمي الصبح وبالليل كل يوم

افتكرت إنه بيهزر

لكنه كان بيتكلم بمنتهى الجدية

قال إنه بيحبني ومش عايز يجرحني لكن في حاجة لازم تتغير قبل الجواز

ولما سألته هي إيه بالظبط رفض يشرح وقال إن الوقت هيكشف كل حاجة

الكلام فضل يلف في دماغي

بدأت أستحمى مرتين كل يوم وغيرت الصابون والشامبو وغسلت هدومي باستمرار وحتى رحت لدكتورة عشان أتأكد إن معنديش أي مشكلة

وكل مرة أسأله إذا كان فيه فرق يرد بنفس البرود

لسه

كنت كل ليلة أراجع نفسي وأفكر يمكن فعلًا فيا حاجة محدش غيره ملاحظها

لحد ما عزمني أزور أهله

قبل ما أخرج من البيت استحميت ولبست هدوم نضيفة وتعطرت بعطر خفيف واتأكدت إن كل حاجة فيا مظبوطة

وأول ما دخلت البيت حسيت إن فيه سر كبير مستخبي

وأنا ماشية في الطرقة سمعت صوت أمه بتنادي عليه من جوه

وقفت مكاني من غير ما أحس

واللي سمعته بعدها خلاني أفهم لأول مرة ليه خطيبي كان مصر على الطلب الغريب ده

كانت رجلي اتثبتت في الأرض أول ما سمعت صوت أمه جاي من أوضة الصالون وهي بتقول بعصبية

هي وصلت

رد عليها خطيبي بصوت واطي

أيوه يا أمي بس أرجوكي بلاش تفتحي الموضوع قدامها

قالت له

يعني هتفضل مخبي عليها لحد إمتى

لو عرفت بعد الجواز هتسيبك في نفس اليوم

حسيت إن قلبي نزل في رجلي

فضلت واقفة ورا الباب من غير نفس

قال بصوت متوتر

أنا بحاول أخليها تتعود الأول

أمه ردت بسرعة

تتعود على إيه هي مش عارفة أصل الحكاية أصلا

في اللحظة دي رجعت خطوة لورا وخبطت في الترابيزة اللي في الطرقة

الصوت خلاهم يسكتوا

بعد ثواني الباب اتفتح

طلع خطيبي وهو مبتسم ابتسامة متصنعة

قال

إنتي واقفة هنا ليه

ابتسمت بالعافية وقلت

كنت بدور على الحمام

بص في عيني كأنه بيحاول يعرف إذا كنت سمعت حاجة ولا لأ

وبعدين خدني وقعدنا كلنا على السفرة

أمه كانت بتبصلي من فوق لتحت كل شوية

وأخته الصغيرة كانت كل ما تقرب مني أمها تشدها بعيد

في الأول قلت يمكن دي طريقتهم

لكن كل حاجة كانت غريبة