طلب عجيب حكايات صافي هاني
وقالت
قبل ما تاخدي أي قرار افتحي ده
أم آدم حاولت تخطف الظرف
لكن أميرة كانت أسرع
ناولتهولي
وقالت
اقري
فتحت الظرف
كان فيه عقد مكتوب بخط اليد
وفي آخره توقيع مرات أخو آدم
وتحت التوقيع جملة
أوافق على تسليم نسخة من مفتاح شقتي لوالدة زوجي وأسمح لها بالدخول في أي وقت دون استئذان
رفعت عيني وأنا مش مصدقة
قلت
إيه ده
أم آدم ردت بسرعة
دي كانت بمزاجها
لكن أميرة طلعت ورقة تانية
وقالت
ودي رسالة منها بعد الطلاق
بدأت أقرا
أنا مضيت وأنا فاكرة إن دي مجرد عادة بسيطة لكن بعد الجواز بقيت حاسة إن حياتي مش بتاعتي وكل قرار لازم يطلع من حماتي
قفلت الورقة
وبصيت لآدم اللي كان واقف عند باب الكافيه من غير ما يتكلم
كان باصص في الأرض
قلت له
الكلام ده حقيقي
فضل ساكت
كررّت السؤال
بصلي بعين مليانة تردد
وقال
أيوه
بس كنت ناوي أغير كل ده بعد ما نتجوز
ضحكت بمرارة
وقلت
ولو كنت تقدر تغيره
كنت غيرته قبل ما تطلب مني أستحمى مرتين كل يوم
سكت
ومعرفش يرد
في اللحظة دي أم آدم صرخت بصوت عالي
مش هتسيب ابني بسببي
ثم التفتت لآدم وقالت
قولها الحقيقة كلها
لو معندهاش استعداد تعيش بقوانين البيت يبقى تعرف إحنا عاملين إيه مع كل خطيبة بترفض
آدم رفع رأسه ببطء
وكان وشه شاحب
وقال
في حاجة عمري ما كنت عايزك تعرفيها
لأن أول ما تسمعيها… مستحيل توافقي على الجواز
آدم فضل واقف ثواني كأنه بيجمع شجاعته
وبعدين قال
كل بنت كانت بترفض تكمل معانا أمي كانت تتأكد إنها متتكلمش
بصيت له بصدمة
قلت
يعني إيه
قال بسرعة
مش زي ما انتي فاهمة
عمرنا ما أذينا حد
بس كانت بتروح بنفسها لأهل البنت وتحكيلهم إن سبب فسخ الخطوبة من عندها وإنها كانت متقلبة ومش جاهزة للجواز
وأوقات كانت تضيف كلام من عندها
عشان محدش يصدق أي حاجة البنت تقولها بعد كده
بصيت لأميرة
هزت راسها وقالت
وده اللي حصل معايا
صحابي بعدوا عني
وناس كتير صدقوا إني السبب
ولحد النهارده محدش يعرف الحقيقة
بصيت لآدم وقلت
وأنت كنت ساكت
قال وهو مكسور
كنت ضعيف
كل مرة أقول هتكلم
أرجع أخاف أزعل أمي
أمه قربت منه وقالت بعصبية
وأنا عملت كل ده لمصلحتكم
أنا اللي ربيتكم
وأنا اللي عارفة مصلحتكم
قلت لها بهدوء
المصلحة عمرها ما تبقى بالكذب
ولا بالسيطرة
سكت المكان كله
حتى الناس اللي كانت بتتفرج بطلوا كلام
