طلب عجيب حكايات صافي هاني
الاستحمام مرتين يوميا
تغيير الملابس بعد أي خروج
تطهير الأحذية قبل دخول البيت
منع أي حد يدخل أوضة الجد
ممنوع المبيت خارج البيت أكتر من يومين
حسيت إني داخلة عالم تاني
قلت بعصبية
إيه الهبل ده
ابتسم ابتسامة باهتة وقال
أنا عارف إن شكله غريب
بس اسمعي القصة كلها
اتكلم بهدوء وقال
من حوالي تلاتين سنة جدي كان شغال في معمل أبحاث
وفي يوم حصل حادث كبير
ومن ساعتها وهو مقتنع إن أي ميكروب ممكن يدمر العيلة كلها
صرف عمره كله وهو بيبني النظام ده
ومع الوقت الكل استسلم
أبويا
وأمي
وأعمامي
وحتى إحنا
كبرنا على إن دي طريقة الحياة الطبيعية
قلت له
يعني كل اللي حصل معايا كان بسبب خوف جدك
هز راسه وقال
في الأول أيوه
لكن بعد كده بقى بسبب أمي
قلت
يعني إيه
قال
أمي شايفة إن أي بنت هتدخل العيلة لازم تمشي بنفس القواعد
ولو رفضت يبقى مش هتكون زوجة مناسبة
افتكرت كل مرة كان يبصلي فيها ويقول
لسه
افتكرت خوفي
وإحساسي إن فيا عيب
افتكرت الدكتورة والتحاليل والقلق
كل ده عشان أقنع نفسي بحاجة عمرها ما كانت موجودة
حسيت بدموعي بتنزل
قلت له
وأنت كنت عارف إني بتعذب
قال وهو واطي راسه
عارف
بس كنت فاكر إنك لما تحبينا هتقدري تتأقلمي
قلت
وأنا لو رفضت
سكت شوية
وبعدين قال
يبقى الجواز مستحيل
رجعنا وأنا مش قادرة أنطق
طول الليل قعدت أبص للسقف
كل دقيقة كنت بفتكر كلمة قالها
الجواز مستحيل
تاني يوم الصبح صحيت على رنة موبايلي
كان رقم غريب
رديت
لقيت صوت ست كبيرة بيقول
أنا خالتك أميرة
استغربت جدا
أنا معنديش خالة بالاسم ده
قالت بسرعة
أعرف إنك مستغربة
بس لازم قابلك قبل ما تاخدي أي قرار
قلت
حضرتك تقصدي إيه
قالت
أنا كنت أول بنت اتخطبت لابن العيلة دي قبلك
وسبتهم قبل الفرح بأسبوع
سكت قلبي
قلت
إنتي بتقولي إيه
قالت
الملف اللي شوفتيه مش فيه غير نص الحقيقة
ولو عايزة تعرفي ليه ثلاث بنات قبلك فسخوا الخطوبة في آخر لحظة
تعالي قابليني النهارده
بس أوعي يعرفوا
لأنهم هيمنعوكي بأي طريقة
وقبل ما ألحق أسألها عن العنوان قالت
بصي تحت ممسحة باب شقتك
هتلاقي ظرف أبيض
اقري اللي فيه الأول
وبعدين قرري إذا كنتي هتيجي ولا لأ
قفلت المكالمة وجريت على باب الشقة
رفعت الممسحة
ولقيت فعلًا ظرف أبيض متقفل بالشمع الأحمر
ولما فتحته لقيت أول صورة فيها كانت لخطيبي وهو واقف جنب بنت لابسة فستان فرح
