طلب عجيب حكايات صافي هاني

آدم بصلي وقال

أنا مستعد أسيب البيت كله لو ده هيخليكي تكملي معايا

سألته

دلوقتي

ولا بعد ما حسيت إنك هتخسرني

مطولش في الرد

وده كان بالنسبة لي أكبر إجابة

قمت من مكاني

ولميت حاجتي

أميرة ابتسمت ابتسامة خفيفة كأنها كانت مستنية اللحظة دي من سنين

أما أمه ففضلت تبصلي بغضب

وقالت

هتندمي

ابتسمت بهدوء وقلت

الندم الحقيقي كان هيكون لو اتجوزت وأنا شايفة كل العلامات دي وسكت

خرجت من الكافيه

وأول ما ركبت العربية حسيت إني أخيرًا بعرف أتنفس

بعد يومين رجعت له الدبلة في وجود أهلي

آدم حاول يتكلم أكتر من مرة

لكن قراري كان انتهى

بعدها بأسابيع عرفت من واحدة قريبة من العيلة إن أمه بدأت تدور له على عروسة جديدة

وساعتها فهمت إن المشكلة عمرها ما كانت فيا

ولا في الاستحمام

ولا في أي حاجة كنت بلوم نفسي عليها

المشكلة كانت في بيت بيعتبر الطاعة العمياء أهم من الاحترام

ومن يومها وعدت نفسي

أي شخص يحاول يقنعني إني أشك في نفسي من غير سبب واضح

أو يفرض عليا قواعد من غير تفسير

مش هيكون له مكان في حياتي تاني

تمت