رواية: لما أنت بقلم: دنيا محمد

قامت همسة ودخلت أوضة سيف لقتها مكركبة، شالت الهدوم اللي على الأرض ووضبت الدنيا. فجأة حست بيه شدها. همسة بخوف: أنا… أنا كنت جاية أناديك عشان تاكل معانا لأنك اتأخرت. سيف بصلها بابتسامة. همسة: سيف، مينفعش، يلا علشان تاكل. خرجت همسة بخوف، وفجأة موبايل سيف رن ورد. شوشو: إيه يا حبيبي، بقالك كتير منفضلي؟ سيف بزهق: وإيه الجديد يعني، منا مبردش عليكي أساساً، وبعدين هقفل دلوقتي عشان أتغدى. شهد (الدلع شوشو): ماشي، ابقى طمني عليك لأنك وحشتني. قفل سيف بزهق.

سميحة: مالك يا بت خايفة كده ليه؟ همسة لسه هترد، سيف قاطعها: أصلي بوستها. سميحة بذهول: فين يا خويا؟! سيف بص لـ همسة: في خدها طبعاً. همسة بخجل: أنا هقوم آكل في أوضتي. سميحة: اقعدي يا بت. سيف: بس أوعدك الجاية هتبقى في حتة تانية.

الفصل الثاني

سميحة: إيه يا واد الكلام اللي انت بتقوله قدام بنت خالتك ده؟ سيف بضحك: إيه، بفرفش الجو بدل الزهق ده. سميحة: أنا هقوم أناديها، مكلتش حاجة من الصبح يا حبة عيني. سيف بغضب: يعني إيه مكلتش؟! أنا قولتلها تاكل، هي بتكسر كلامي؟ سميحة: لا يا ابني، هي بس بطنها كانت واجعاها شوية.

دخل سيف أوضة همسة: تعالي يلا علشان تاكلي، مكلتيش ليه مش قولتلك تاكلي؟ همسة: الصبح كانت بطني وجعاني. سيف باستغراب: بطنك وجعاكي من إيه؟ انتي ماكلتيش أصلاً! همسة بكسوف: لا، بطني وجعاني وجع تاني. سيف فهم: اممم… طب معاكي احتياجاتك ولا أجيبلك وأنا جاي؟ همسة بكسوف: لا، هنزل أنا أجيب. سيف: مفيش نزول. همسة هزت راسها، فابتسم بحنان: تعالي يلا نطلع ناكل.

طلعت همسة وأكلوا مع بعض. سميحة: بكرة عايزاكي تنزلي السوق يا همسة تشتري شوية حاجات. سيف عقد حاجبه: أنا قولتلها مفيش نزول وهي بطنها وجعاها أصلاً. سميحة: يا ابني البنت لازم تنزل وتشتري، مش معقول هتفضل قاعدة كده. سيف بتنهيدة وبص لـ همسة: لو هتنزلي هتلبسي فستان واسع وطرحتك وبلاش ميكب. همسة: إيه كل ده! سيف بحدة: كلامي يتنفذ. يلا يا أمي أنا خارج شوية مع صحابي وجاي. سميحة: ربنا ييسر طريقك يا ابني.

همسة بعد ما سيف مشي: أنا مش فاهمة إيه التملك اللي هو بيعاملني بيه ده! سميحة بخبث: يا هبلة ده حب مش تملك، وغيرة كمان. همسة: حب؟! سميحة: ده على أساس إني معرفش إنك بتحبيه وواقعة في غرامه، وبتتجنني لما تلاقيه بيكلم بنت؟ همسة بتوتر: لا يا خالتي الكلام ده مش صحيح. سميحة: لا يا قلب خالتك صحيح وأنا اللي أعرف، يا بت اسمعي كلامه وحافظي عليه. همسة بهدوء: هو أصلاً مش واخد باله مني. سميحة: بقى كل ده ومش واخد باله منك؟! ده بيغير عليكي من الهواء الطاير! أنا جاتلي فكرة وهعملها بكرة لما يرجع من شغله. همسة باستغراب: فكرة إيه دي؟