احلام الزين

الفصل الأول "عارفة يا سمحة أنا لما أكبر هتجوزك" قالها مؤيد ببراءة وطفولة وهو بيسمت لسمحة اللي عيونها الصغيرة مدمعة؛ لأن صاحب عمرها قرر يعزل ويسيب قنا ويروح القاهرة لأن أبوه لقي شغل هناك وشاف إنها فرصة كويسة عشان يحسنوا عيشتهم شوية. هتيجي هنا تاني يا مؤيد؟ قالتها سمحة وهي بتمسح دموعها اللي نزلت، فابتسم وقال: أكيد هاجي عشان أخدك معايا القاهرة لما أكبر وأبقى دكتور هعالج وشك وأتجوزك، ده وعد! ابتسمت سمحة، فخرج مؤيد عربيتها الحمرا الصغيرة اللي بيحبها وقال: دي أكتر لعبة بحبها خليها معاكي عشان تفتكريني وأنا كل يوم هكلمك يا سمحة، أوعديني تنسيني يا سمحة.. أوعدي! ابتسمت وقالت: عمري. فتحت عيوني ودموعي بتنزل وأنا بفتكر الكلام اللي قالهولي مؤيد من عشرين سنة وقت ما كان عنده عشر سنين وأنا عندي تمن سنين بس.. افتكرت طلبه ليا إنه منساهوش وفعلا مقدرتش أنساه أبدا، بس يظهر إنه هو اللي نسيني! مؤيد بعد تلات سنين من انتقاله للقاهرة اتصالاته انقطعت خالص وكأني مكنتش موجودة في حياته، والتصرف ده منه كسرني أوووي. افتكرت إن مؤيد مش هيبعد عني بس مؤيد زيهم كلهم.. بعد عني! طبعا هيبعد عني، إيه اللي هيخليه يتمسك بواحدة زيي ويحبها؟ هو عبيط يعني؟ هو إنسان عادي زي باقي الناس وأكيد لما كبر عرف أن اللي قاله مجرد عبث وعبط عشان كده بطل يتواصل معايا. قومت من السرير بتاعي وروحت على المرايا ووقفت ودموعي لسه بتنزل، مررت إيدي على وشي المشوه وأنا بعيط؛ إزاي مؤيد هيحب واحدة زيي؟ واحدة مشوهة دايما من صغري الناس بتتنمر عليا بيخافوا مني، مفيش غير أهلي وأهل مؤيد ومؤيد اللي كانوا بيعاملوني كأني إنسانة.. بس اهو مؤيد سابني زي ما كل حاجة حلوة في حياتي سابتني. حطيت إيدي على وشي وبدأت أبكي جامد وأنا بتساءل بقهر: اشمعنى أنا؟ اشمعنى أنا اللي اتشوهت في الحريقة اللي حصلت في بيتنا؟ ليه مموتش؟ ليه؟!! فجأة مسحت دموعي وأنا بستغفر ربنا، أنا بحاول أرضى بحالي بس أحيانا بنهار وبزعل ربنا مني. روحت الحمام وتوضيت وبدأت أصلي وأستغفر ربنا وأنا بعيط وبدعي إنه يزيح عني الهم. تاني يوم: سمحة.. سمحة.. سمحة الحقي! قالتها أختي الصغيرة روان وهي بتجري وبتتنطنط حواليا. مالك يا روان، فيه إيه؟! بصتلي روان بحماس وقالت: حزري فزري إيه اللي سمعته؟ إيه يعني؟! قلتها ببرود فردت هي: مؤيد جاي بكرة هنا! للحغظات بطلت أتفس بس قلبي كان بيدق جامد وأنا بسمع الخبر ده.. مؤيد جاي هنا وبعد السنين دي كلها؟!! بس سيطرت على نفسي بسرعة وقولت ببرود وأنا بكمل قراية روايتي: أيوه، أعمل إيه يعني؟! أختي بصتلي بصدمة وكانت هتتكلم بس قولتيلها: معلش يا روان اقفلي النور عشان هنام خلاص، تصبحي على خير!! تاني يوم: البيت كان عامل زي المهرجان، الكل بيشتغل عشان مؤيد وعيلته جايين، كنا خلصنا كل حاجة من ترتيب وعمل أكل لما عمتي نوارة وبنتها صافية جم قبل ما يوصل مؤيد وأهله بنص ساعة تقريبا.. جم ليه دول؟! فكرت بضيق بس مبينتش. مر الوقت ببطء وأنا مستنية مؤيد على نار، على قد الخوف اللي كان جوايا إنه ينفر مني بس كنت متحمسة أشووفه أوووي. لبست الفستان الأزرق، من واحنا وصغيرين وهو بيقول إن اللون الأزرق بيليق عليا أوووي. جم.. جم! قالتها روان بحماس فابتسمت وأنا واقفة ومستنية. دخلوا أهل مؤيد الأول وبعدين مؤيد، روحت أسلم عليهم بس لقيت صافية بتجري على مؤيد وبتسلم عليه كأنهم قريبين أوووي من بعض وقالت: وحشتني يا مؤيد! ابتسم هو ابتسامة ساحرة وقال بحب: وأنتي كمان يا صافية وحشتني أوووي!! الفصل الثاني حاولت بكل ما أملك من قوة إني معيطش وأنا شايفاهم سوا، بس زي ما اتعلمت دايما إني مبينش أبدا حزني وأكون باردة؛ عشان كده لما مؤيد بص عليا وابتسامته بهتت شوية كنت أنا ببصله بابتسامة باردة. قرب هو مني وسلم عليا وهو بيحاول ميبصليش كتير.. تصرفه جرحني! أكيد مش قادر يبص لوشي، مش هلومه ناس كتير عاملتني بالشكل ده وهو مش استثناء ولا حاجة!! هو زيهم كلهم. فكرت بسخرية وأنا بسلم عليه، وطول القاعدة طبعا كانت صافية لازقة فيه وهي بتضحك برقة. أختي روان كانت بتغلي بسببها وأهلي كانوا بيبصولي بحزن بس أنا مهتمتش أوووي، كنت بأكل بهدوء وأنا بتكلم مع أهل مؤيد بابتسامة لطيفة. بس الحاجة الغريبة كانت إني كل اما أبص على مؤيد بالصدفة ألاقيه باصص عليا ولما أشوفه يودي وشه الناحية التانية.. أكيد بيبص على الحروق اللي في وشي، فكرت بغضب كان نفسي أرمي طبق المكرونة في وشه بس خسارة فيه! آخر مرة لقيته باصصلي المرة دي فضل باصصلي فعلا، حتى لما بصيت عليه بصيتله بقرف وكره خلاه يبهت ويبص من الناحية التانية. خلصت القاعدة وهما روحوا، دخلت أوضتي بهدوء وأنا بختار رواية من رواياتي أقرأها، كنت بهرب من الألم اللي جوايا بالقراية. دخلت أختي روان وبصتلي بحزن (أنا عارفة أن أهلي هما اللي بعتوها). قربت روان وأنا عاملة نفسي منشغلة في الرواية وقالت بصوت مخنوق: متزعليش يا سمحة. بصتلها وحاولت إبان إني حيرانة وقولت: أزعل! أزعل من إيه؟! اتنهدت وغمضت عينيها لثواني وهي بترتب كلامها، أنا عارفة هي عايزة تقول ايه وأنا هحاول قد ما أقدر إني أنكر كلامها، مش هسمح إن حد يعرف إن مؤيد جرحني النهاردة بكلامه مستحيل! فتحت روان عينيها وبعدين أخدت الرواية وهي بتتمسك إيدي وبتقول: أنا حاسة بيكي يا حبيبتي وحاسة بقهرتك يا سمحة، طبعا بعد اللي شوفناه من اللزجة صافية والمضروب في قلبه مؤيد النهاردة.. لازم تزعلي، بس صدقيني هتنسي وهتلاقي بكرة سيد سيده. أخدت الرواية منها وأنا عاملة نفسي مصدومة من كلامها وقولت: وأنا ليه هزعل من صافية ومؤيد، مش فاهمة؟! عشان أنت بتخبي مؤيد يا سمحة، بتحبيه من صغرك! فجأة ضحكت بقوة وأنا بقول: يا لهوي عليكي يا روان، معقول فاكريني إني تافهة للدرجادي إني أتمسك بمشاعر طفولية تافهة؟! اللي كان في قلبي من ناحية مؤيد مجرد مشاعر سخيفة لطفلة لكن أنا دلوقتي كبرت ومؤيد كمان.. مش معقول شوية كلام قولناه واحنا صغيرين هتاخدوا عليه! هو فيه حد بتاخد على كلام الأطفال يا روان؟! وبعدين بدأت أضحك بمرح وأنا أقرأ الرواية ومخبية جوايا حزن العالم كله. الفصل الثالث للأسف الشديد أهلي عزموا أهل مؤيد تاني، أنا حاسة إنهم متعمديني بجد وطبعا مش محتاجة أقول إن آنسة معكرة -قصدى صافية- لزقت عندنا من الصبح. جه الليل واتعشينا وأهلنا بيتكلموا بمرح، أنا كنت بتكلم مع روان ومتجاهلة تماما مؤيد اللي بيتكلم مع صافية. اللي فكرت فيه فجأة: إمتى مؤيد وصافية قربوا من بعض كده؟! اهو السؤال ده كان هيجنني مكنتش لاقية ليه أي إجابة! عز ابن عمي جه فجأة وسلم على مؤيد وأهله، وجه سلم عليا وهو بيطلع حاجة ويقول: جيبتلك المشبك اللي بتحبيه من دمياط يا سمحة. ابتسمت بسعادة وأنا باخد منه المشبك وقولت: شكرا يا غالي. مؤيد بصلهم بضيق، وقعدت وأنا باكل المشبك زي المفجوعة، لكل إنسان نقطة ضعف وأنا نقطة ضعفي المشبك. بصتلهم وقولت: محدش يفتكر إني هعزم عليه، المشبك ده بتاعي وبس! ضحك الكل، فطلع عز من شنطته مشبك وحلويات ليهم وقال: لا يا أختي أنا منسيتش حد.. جبت للكل أهو! بس أول واحدة طلعتلها هي سمحة، يبقى هي أغلى مننا. قالتها صافية بخبث، بصلها عز ببرود وقال: ملكيش دعوة إنتي. قعد عز والقعدة بقت أحلى، كنت بتكلم معاه كعادتي وأنا حاسة بالراحة، والغريبة كنت حاسة بعيون مؤيد بتطلع نار وهو بيبصلنا ومكنتش عارفة السبب! بعد ما خلصت قعدة عز معانا، وقفت معاه قدام البيت وقولت: ها.. كلمتها؟ هز راسه وقال: أخيرا اتجرأت يا سمحة وده مكانش هيحصل من غيرك بصراحة. أنا عموما قلتلها -قصدي خير- وأخدت نمرة والدها وهكلمه، بس حاليا متعرفيش حد حاجة لحد ما يتم الموضوع. ابتسمت وقولت: عيوني يا ابن عمي. ربنا يخليكي ليا يا بنت عمي. طبطب عليا وبعدين مشي. اتنهدت وأنا بدخل البيت، فجأة شهقت لما شوفت مؤيد قدامي والنار بتطلع من عينيه! مهتمتش بيه وكنت هدخل البيت مسك إيدي فجأة وجرني وراه برا البيت ناحية الزرع. سيب إيدي يا بني أدم أنت، أنت اتجننت؟!! فجأة زقيته وقولت: أنت حصل لعقلك حاجة صح؟! إيه اللي بينك وبين عز؟! أفندم؟! قولتها بغباوة، فصرخ بغيرة واضحة: إيه اللي بينك وبين عز؟! ملكش دعوة! ابتسم بقسوة وقال: يعني كلام صافية طلع صح.. طلع صح!! إنتي بتحبيه هو مش أنا!! الفصل الرابع بصتلهم بصدمة، كنت مش مصدقة إن صافية تطلع عني إشاعة زي دي، خاصة أن الكل تقريبا يعرف إن أنا وعز بنعتبر نفسنا إخوات وبس، غير أن عز أصلا بيحب واحدة تانية وأنا بحب.. غمضت عينيا وأنا مش راضية أعترف أصلا مش عايزة أقولها حتى جوايا! بصتلع ببرود وقولت: عز أخويا وبس والكل عارف كده، وعمر ما كان بيننا حاجة ولا هتكون يا مؤيد. مش ذنبي إنك بتصدق أي كلمة وخلاص، وبعدين حضرتك مش من حقك كمان تسأل ولا تحاسبني، أنا حرة زي ما أنت حر بالضبط. ولسه همشي مسكني من إيدي وابتسم وقال: إيه.. بتغيري؟! بصتله ببرود وقولت: وأغير ليه؟ مش أنا اللي بحاسبك دلوقتي، أنت بتحاسبني يا مؤيد.. يعني ممكن أقول إنك أنت اللي بتغير! أيوه أنا بغير! قالها بعصبية، حسيت وشي سخن وقولت: لازم أمشي دلوقتي أهلي.. قاطعني وهو بيقرب مني، بعدت أنا بتوتر فقال هو: طول السنين دي مقدرتش أنساكي يا سمحة، حاولت ومقدرتش.. بس يظهر أنك نسيتيني! فضلت أرجع بتوتر وقولت -والدموع بدأت تلمع في عيني-: أنت اللي قطعت اتصالاتك فجأة.. أنت اللي قطعت علاقتك بيا وجاي بعد السنين دي كلها تبقى مع صافية وجاي دلوقتي تحاسبني؟! وقف فجأة وهو بيبصلي بحزن وقال: مش هبرأ نفسي يا سمحة، أنا غلطت.. غلطت لما سلمت وداني لصافية وقتها. أنا بس اللي كنت بتكلم معاكي وأتواصل لكن إنتي عمرك ما اتصلتي بيا، عمرك ما بدأتي تكلميني دايما أنا اللي ببادر وأسأل، بدأت أفكر إنك مبتحبنيش ومن ناحية تانية صافية كانت هي دايما اللي بتكلمني لحد ما في يوم قالتلي إن إنتي وعز بقيتوا قريبين أوووي من بعض! ده خلاني اتجنن، كان نفسي أككلمك وأواجهك بس تراجعت وقررت أبعد صدقت إني مش مهم عندك وأفتكرت إن مشاعرك كانت مجرد مشاعر طفلة واختفت خصوصا أنك كنتي صغبرة أووي وقتها و.. ابتسمت بألم وقاطعته: وأنت اختارت تصدقها بدلا ما تيجي وتسألني! فمتلومنيش لو سمحت دلوقتي.. أبعد لازم أروح البيت. ولسه همشي وقفني تاني وقال بلهفة: يعني إنتي منستنيش؟! ابتسمت بألم أكبر: لا.. أنت اللي نسيتني يا مؤيد. شاورْت على وشي وقولت: وأظن أنا عارفة السبب إيه! روحت البيت وسيبته، ولما روحت انفجرت بالعياط، ودي كانت أول مرة أكي بالشكل الهستيري ده وقدام أختي روان!! الفصل الخامس والأخير بعد يومين عزمونا أهل مؤيد عندهم كقعدة وداع لأنهم هيروحوا تاني القاهرة، الخبر ده وجع قلبي بس قولت إن كدة أحسن. وطبعا مش لازم أقولكم مين كان هناك: معكرة وأمها! المهم اتعشينا وبدأنا نتكلم، كنت أنا بتحاشي نظرات مؤيد بإصرار. بعد وقت طويل وققبل ما نمشي وقف مؤيد وقال: طبعا أنتوا عارفين إننا هنرجع القاهرة، بس قبل ما أرجع حابب أخد حد يخصني! كان الكل بيبصله بحيرة فبصلي وهو بيفتسم وقال: عمي.. أنا بطلب إيد بنتك سمحة، ممكن تدخل السرور على قلب واحد بائس زيي وتجوزهاني؟! كنت مصدومة وأنا ببصله مش مصدقة اللي قاله، هو بيتكلم بجد ولا بيهزر؟ كنت حقيقي مصدومة! بصيت على وش صافية لقيت كأنها في عالم الأموات وشها اصفر زي قشر الموز وأمها كذلك. ابتسم أبويا وقال: أنت بتطلب إيد سمحة يعني؟! ابتسم مؤيد وقال: حضرتك شايف إيه يا عمي؟! وبعدين كلكم تعرفوا بمشاعري ناحيتها من صغري. أنا افتكرت إن دي مجرد.. قاطعه مؤيد وقال: لا مش مجرد مشاعر لأطفال وخلاص، أنا حافظت على وعدي ورجعت عشانها.. مستني كمان تحافظ على وعدك وتجوزهاني زي ما وعدتني زمان يا عمي. فاكر لما قولتلي إنك هتجوزهاني لما أكبر؟ أنا لسه فاكر وعدي ليك! ابتسم أبويا وبصلي وقال: والله يا ابني أنا معنديش مانع، الرأي رأي سمحة. طبعا الكل بصلي وأنا كان نفسي الأرض تنشق وتبلعني، كنت حاسة إني هعيط من الإحراج مكنتش قادرة أتكلم أو أرد ولا حتى أبص لمؤيد. أنا مش عايز ردها دلوقتي، هديها يوم ونص تفكر كفاية أووي. المغور ده! كنت متضايقة منه وعايزة أبص عليه وأقول إني رفضاه بس مكنتش قادرة أرفع عيني من الأرض وشي بقى أحمر. خليها أسبوع يا بني ده جواز مش لعب عيال. ابتسم مؤيد وقال: حاضر يا عمي، ليها كل الوقت اللي هي عايزاه.. المهم توافق عليا في الآخر! ضحك الكل ما عدا صافية اللي أخدت أمها ومشيت وسط ذهول الجميع. تاني يوم: أنا مش مصدقة، بعد ده كله وبعد اللي حكيتلك عنه وحبي ليك تروح برضه عشان تتجوزها؟!! للدرجادي هي مأثرة عليك يا مؤيد؟! صرخت صافية وهي بتكي، كان حاسس بالقرف منها، دموعها مأثرتش فيه كان بيكرهها أووي، بسببها كان هيخسر سمحة، بسببها أذاها! قرب منها وقال وعينيه بتلمع بالكره: قصدك كدبك عليا؟!! افتراكي على سمحة وعز وكدبك عليا! ده إنتي تحمدي ربنا إني مش فضحتك قدام العيلة يا كدابة إنتي.. إنتي واحدة رخيصة ومقرفة عشان تاخديني من سمحة افتريتي عليها وأفتكرتيني إني هحبك؟! لا مستحيل يا صافية، أنا عمري ما فكرت فيكي بالشكل ده وأنتي عارفة! بكت صافية وهي بتبصله وقالت: بس أنا بحبك أكتر منها! وأنا بحبها أكتر من الكل ومش مستعد أخسرها.. أحسنلك تبعدي عني عشان مزعلكيش مني وأقول للعيلة كلها على كدبك وخداعك! بهتت صافية وبعدت وهي بتسح دموعها، لو مؤيد أتكلم هي وأمها هينتهوا، عشان كده مشيت من قدامه وهي قلبها مكسور. الفصل السادس بعد أسبوع، كان مفروض أقول الرد بتاعي على طلب مؤيد، كنت مشتتة مش قادرة أفكر، حلمي اهو قدامي بس فيه حاجة مانعاني! جه مؤيد عشان يسمع ردي، كان باين عليه التوتر هو حاطط احتمال كبير إني أرفض وأنا مكنتش عارفة أصلا أرد بإيه. وقفت قدامهم عشان أقول رد وقررت أتشرجع وقولت: أنا مش... هتجوز مؤيد!! أنت بتكدب عليا.. قول إنك بتكدب عليا يا مؤيد! قولتها وأنا بعيط كنت منهارة وأنا بشوف حياتي كلها بتتهد، حلمي إني أرجع جميلة كله اتنسف في لحظة! كنت ببكي بقهر ومؤيد بيبصلي بحزن كبير مكنش عارف يتصرف إزاي، هو عارف إن الموضوع ده مهم جدا. سمحة أبوس إيديكي متعيطيش، ده قضاء ربنا وأنا عارف إنك قوية وهتتجاوزي ده. أنا مش عايزة أكون ناقصة! قولتها بصوت مخنوق من كتر ما أنا ببكي، بصلي مؤيد باستنكار وقال: إيه الكلام الفارغ ده؟ إنتي ست البنات وأنا بحبك زي ما إنتي يا سمحة، من صغري وأنا بحبك وكبرت ولسه حبك في قلبي وبيكبر كمان.. صدقيني مفيش حاجة هتمنعني إني أتجوزك متشيليش نفسك هم. هزيت راسي وقولت: معلش يا مؤيد خلينا نعيد الفحص من الأول أبوس إيديك، عايزة أرجع وشي زي الأول صدقني ده مهم جدا بالنسبة لي.. أنا حاسة بالنقص بسبب شكلي مش قادرة أتخلص من الشعور ده حاولت كتير بس مش... كلامي انقطع وأنا بعيط جامد، اتنهد مؤيد وقال: وليه تحسي بالنقص؟ إنتي جميلة يا سمحة، جميلة جدا وأنا حبيتك وأنتي كدة وهفضل أحبك دايما.. متحسيش بالنقص أبدا لأنك جميلة من جوا ومن برا، ده مش كفاية؟! هزيت راسي وأنا بعيط وبقول: لا.. أنا عايزة كدة يا مؤيد افهمني، مقدرش مقدرش صدقني هكون حاسة بالنقص من جوايا مش هكون مبسوطة.. مؤيد معلش اقف جمبي وصدقني عمري ما هنسى جميلك ده، خلينا نعيد الكشف خلينا نجرب تاني عشان خاطري. بصلي مؤيد بيأس وقال: حاضر.. بس بشرط نتجوز الأول! وأنا موافقة، بس اقف معايا عشان خاطري متتخلاش عني يا مؤيد. أنا متأكدة أن مؤيد بحبني زي ما أنا ومتأكدة إنه عمري ما يجرحني، بس موضوع وشي مسببلي أزمة من صغري ومقدرش أتجاهلها عشان كده مقدرتش أنسى موضوع العملية. أنا استنيت ده من زمان وحاسة إن فيه أمل كبير أن وشي يتعالج. مؤيد طلب يتجوزني الأول بس أنا كنت عايزة أعمل العملية، فكان الاتفاق إني أعيد الكشف ولو فيه عملية هعملها بعد الجواز. مؤيد عاد الكشف من الأول والنتيجة كانت مشابهة: الحل الوحيد كانت عمليات تجميلية كتير هتتعمل في وشي ودي مش مضمونة. مؤيد كان رافاض تماما الموضوع ده لأنه خايف على حياتي، لكن أنا فضلت وراه واترجيته كتير.. كان مهم بالنسبة لي إني أكون جميلة، ممكن يشوفوا دي سطحية مني بس كنت حاسة بالنقص مش هنكر وأنا مقدرش أعيش مع إحساسي ده لما أتجوز مؤيد!! مؤيد وافق بصعوبة وهو مرعب عليا، بس أنا كنت عنيدة أوووي وطبعا عشان أعمل العمليات دي كان لازم أنفذ وعدي وأتجوزه. نزلنا قنا عشان نتجوز وسط العيلة وفي بلدنا، مؤيد كان مستعجل عشان كده طلب إن الجواز يتم بسرعة. كتبنا الكتاب وعملنا زي فرح صغير عزمنا المقربين منا بس طبعا معكرة وأمها مكانش ضمن المعازيم (أنا من غير قصد نسيت ما أعزمهم.. لا، كنت قاصدة بصراحة!). كنت برقص معه سلو وأنا حاطة راسي على كتفه، ابتسم مؤيد بحزن وقال: بعد أسبوعين هتكون عمليتك.. تعرفي إني بما إني جوزك أقدر أمنعك دلوقتي متأذيش نفسك وتعملي العملية دي؟ بصتله وأنا عيوني مدمعة فقال هو: بس مقدرش أعمل كدة، مش عشان وعدك وبس.. عشان أنا بحبك ومقدرش أشوفك زعلانة مني أو زعلانة بوجه عام.. موافق أعيش الضغط ده عشانك وبس لأني بحبك ببساطة! ابتسمت ودموعي بتنزل وقولت: وأنا كمان بحبك. خاتمة بعد تلات سنين.. كنت واقفة قدام المرايا في شقتنا اللي في القاهرة، حاطة إيدي على بطني الكبيرة بسبب الحمل (كنت في الشهر الخامس)، ابتسمت بسعادة وأنا ببص على وشي اللي الحروق اللي فيه شبه اختفت ورجع أجمل من الأول! سنتين وأنا بعمل عمليات عشان أرجعه زي الأول، لا أنا مليت ولا مؤيد أتخلى عني لحد ما بقت النتيجة أهي. كنت مبسوطة أوووي.. مش بسبب نجاح العمليات بس، لكن عشان ربنا عوضني بأجمل رجل في العالم: مؤيد! شهقت وهو بيحاوط وسطي وبقول: أخبار مامت ابنك الجميلة إيه؟! ابتسمت وأنا بمسك إيده وبحطها على بطني وقولت: مامت ابنك كويسة وبتحبك كل يوم أكتر من اللي قبله. باس راسي وقال: وأنا كمان بحبك.. بحبك أوووي يا سمحة! (تمت)

​خاتمة

مقالات ذات صلة

صرخه عند الباب.. حكايات منــال عـلـي

دموع على باب المطبخ

أنا جوزي مسافر الامارات حكايات رومانى مكرم

جوزى بيرفض يدينى اجيب طلبات البيت لاماني سيد

خاتم الماس بقلم منى السيد

جاتني رسالة من رقم مجهول ان زوجي تزوج صديقتي

اترك تعليقاً إلغاء الرد

خاتمة