طلقني قبل فرحي حكايات صافي هاني
طلقني طلقني وفرحي باقي عليه أسبوعين! والبيت كله غرقان في أكياس لبس الفرح والستائر اللي بتتعلق وصوت زغاريط جارتنا وهي بتبارك لأمي في الصالون وفجأة الباب خبط ودخل خطيبي وشه مقلوب وعينه مش قادرة تيجي في عيني طلب يقعد مع أبويا وأمي ودخلنا كلنا والصدمة نزلت لما لقيت كلامه كله اتغير وبدأ يقول أصل أمي وأختي من يومين مش مبطلين زن في ودني ليل نهار وقالبين البيت نكد وبيقولوا لي دي كبرت وعندها 29 سنة مش هتلحق تخلف لك عيل ولا اتنين وهتعجز بسرعة روح اتجوز واحدة صغيرة تملى عليك البيت عيال وفضل الزن شغال في دماغه لحد ما اقتنع وجاي بكل برود قدام أهلي اللي كانوا بيحضروا لفرحنا ويقول بكل برود ربنا يعوضك أنا عاوز اتجوز واحدة أصغر وعمري في لحظة اتقلب لتهمة وسط ذهول أبويا اللي قام وقف على رجله وهو مش مصدق وجاي ينطق ويرد عليه وفجأة الباب خبط بقوة ودخلت واحدة مكنش حد يتخيل أبداً إنها ممكن تيجي في التوقيت ده وصدمت الكل بأول كلمة قالتها لما صرخت بعلو صوتها وهي بتنهج ونفسها مقطوع وقالت له الحق يا رأفت أمك وأختك في القسم دلوقتي والمنطقة مقلوبة عليهم خطيبتك الجديدة اللي جابوهالك ومجهزينها لك بره عشان يكتبوا كتابكم الليلة طلعت نصابة ومتجوزة اتنين قبل كده وهربانة من أحكام وجوزها الأخير قالب الدنيا عليها وضموه معاهم في المحضر تحت!
الصالون كله اتقلب في ثانية ورأفت وقف مكانة زي الصنم الدم هرب من وشه وعينه بدأت تلف في المكان وهو مش مصدق إن السحر انقلب على الساحر في نفس الدقيقة اللي جاي يكسرني فيها ويبعني عشان يرضي زنهم. أبويا اللي كان هيموت من الصدمة والوجع وعينه كانت مليانة دموع حس فجأة إن ضهره اتفرد وبص له وضحك بضحكة عالية كلها عزة نفس وقاله سبحان المنتقم الجبار ربنا مابيرضاش بالظلم يا ابن الأصول العدالة الإلهية مأخرتش حق بنتي ثانية واحدة اخرج بره بيتنا ورجلك ماتعتبوش تاني والباب اللي يجيلك منه الريح سده واستريح.
أمي لمت أكياس لبس الفرح من على الكنب ورمتها في وشه وقالت له بقلب محروق خد قرفك معاك ياللي ماتسواش ربنا كشفك وكشف أهلك قبل ما تدمر بنتي باسم القسمة والنصيب غور في داهية مطرح ما رحتوا والبلطجية والنصابين أولى بيكم. ورأفت جرى على بره زي المجنون وهو بيحاول يتصل بأمه وأخته وتليفوناتهم مقفولة وأنا واقفة في نص الصالة مش عاوزه أعيط بالعكس أنا كنت ببص للسما ومذهولة من سرعة جبر الخاطر وسبحان من يمهل ولا يهمل.
