تيته حكايات صافي هاني
- مين؟ مدتلي التليفون، كان اتصال من أبويا محمود. لكن قبل ما أضغط رد، وصلتلي رسالة منه، فتحتها وكان مكتوب فيها: “ماما متدخليش المحكمة.. لو دخلتي هتندمي على اللي هتعرفيه”. بصيت لتيتة، لقيتها لأول مرة في حياتي بتترعش، لكنها مسحت دموعها بسرعة وقالت:
- ادخل يا أحمد، النهارده لازم نعرف الحقيقة كلها، حتى لو الحقيقة هتوجعنا.
المشهد الأول: جوه المحكمة
دخلت أنا وتيتة زينب المحكمة وإحنا الاتنين ساكتين، بس أنا كنت حاسس إن رجلي مش شايلاني. رسالة أبويا كانت لسه قدام عيني.
دخلنا مكتب المحامي اللي كانت تيتة متفقة معاه من يومين، كان راجل كبير اسمه المستشار سامي. وأول ما شافها وقف بسرعة وقال:
- الحاجة زينب إنتي وصلتي أخيرًا. تيتة بصتله وقالت:
- أنا مش لوحدي يا أستاذ سامي، ده حفيدي أحمد. المحامي بصلي وقال:
- كويس جدًا إنك جيت. وبعدين قفل الباب وقال: “قبل ما نبدأ لازم تعرف يا أحمد إن جدتك كانت عندي من أسبوع، وسألتني عن التوكيل اللي عملته لوالدك”. قلت:
- يعني إيه؟ قال:
- يعني إن التوكيل اللي مع والدك بيديله صلاحيات واسعة جدًا، لكن مش معناه إنه يقدر يبيع البيت لنفسه أو يتصرف في ملكية جدتك لمصلحته بالشكل اللي يتخيله. تيتة قالت:
- طب والفلوس؟ فتح المحامي ملف قدامه وقال:
- دي المشكلة الأكبر. الحاجة زينب جابتلي كشف الحساب قبل ما تيجي، وأنا طلبت منها ما تواجهش محمود لحد ما نتأكد من كل حاجة. قربت من الملف، لقيت صور لتحويلات وسحوبات، ومش بس كده، كان فيه تحويلات رايحة لشركة مقاولات وشركة تانية للاستثمار العقاري. قلت:
- هو بابا كان بيشتري عقارات؟ المحامي بصلي في عيني وقال:
- لأ، كان بيدفع مقدم لبيع عقار. تيتة شهقت وقالت:
- بيتي؟! المحامي هز راسه:
- أيوه.
هنا تليفون تيتة رن.. رقم غريب. ردت وسمعت ثواني من غير ما تتكلم، وبعدين قالت:
- مين حضرتك؟ صوت راجل رد عليها:
- أنا المشتري. تيتة سكتت، والراجل قال:
- أنا دفعت جزء كبير من تمن البيت يا حاجة زينب، وأنا معايا صورة من التوكيل اللي ابنك قدمهولي، بس لما عرفت إنك لسه عايشة في البيت بدأت أقلق. تيتة قالت بصوت مكسور:
- إنت دفعت لمين؟ قال:
- لابنك محمود. قفلت المكالمة وبصتلي وقالت:
- أبوك باع بيتي فعلًا. لكن المحامي فجأة قال:
- استنوا، لسه في حاجة أهم. مد إيده لظرف بني قديم وقال:
- اللي عمله محمود مش أول مرة، وده الدليل اللي ممكن يقلب الق\ضية كلها. فتحت الظرف ولقيت ورقة قديمة جدًا وفي آخرها توقيع أبويا، بس المشكلة إن التاريخ كان قبل ما أبويا ياخد التوكيل أصلًا.
المشهد الثاني: الحقيقة اللي محدش كان متوقعها
قلت للمحامي:
