ليلة العمر
الحلقة الأولى
بعد أن دخل بها وفي تمام الساعة الرابعة فجراً وبعد عرس جميل، ما زالت شيماء—الفتاة العشرينية الجميلة طبيبة الأسنان—في أحضان زوجها مدحت المهندس الشاب الثلاثيني الوسيم، وهو يحتضنها ببراعه الأيسر..
شيماء: “يااااه من زمان أوي وأنا بتمنى اللحظة دي يا مدحت.. إن أنا وانت نُبقى في بيت واحد وأبقى في جنبك كده وتضمني لحضنك زي ما انت عامل دلوقتي.. يااه على السعادة اللي أنا فيها! متتوصفش.. أنا فرحانة أوي يا مدحت وانت كمان فرحان.. صح؟”
مدحت لا يجيب.
شيماء (مندهشة): “مدحت مالك انت تعبان ولا إيه! باين عليك عاوز تنام.. عندك حق ما هو طول الليل وأحنا في دوشة الفرح وبعدين انت بذلت مجهود جامد أوي من شوية.. ههههه.. بقولك إيه مش جعان! بصراحة أنا جعانة أوي.”
مدحت لا يجيب.
شيماء: “مدحت انت مش بترد عليا ليه!”
يسحب مدحت ذراعه من تحت رأس شيماء وهي في قمة الدهشة، ثم يمسك بالهاتف ويقوم بتشغيله.
شيماء: “انت بتشغل الموبيل ليه احنا مش اتفقنا إننا نقفل تليفوناتنا لمدة يومين!”
مدحت ما زال لا يجيب على شيماء وينظر إليها في غيظ شديد.
شيماء: “انت بتبصلي كده ليه! مالك يا مدحت هو أنا زعلتك في حاجة ما احنا كنا مبسوطين من شوية!!”
مدحت يتصل بوالد شيماء.
شيماء: “انت بترن على مين في الوقت ده!! رد عليا يا مدحت.”
مدحت: “ألو.. أيوه يا حسن بقولك إيه بدون كلام كتير وشوشرة وفضايح ملهاش لزوم.. تعالي خد بنتك كده من سكات.. ليه! بنتك طلعت مش بنت بنوت يا راجل يا مقطف.. أيوة مش بنت بنوت وأنا مش هاسكت على فكرة بس لما تيجي.. أنا مستنيك.”
يغلق مدحت الخط وشيماء تنظر إليه في دهشة شديدة وصدمة بعد سماع تلك الكلمات.
شيماء: “انت كنت بتكلم مين! حسن ده بابا صح! وريني التليفون ده.”
تمسك بالهاتف وتراجع سجل المكالمات فتجد أنه فعلاً تحدث إلى والدها.
شيماء: “ده بابا فعلاً!! مين دي اللي مش بنت بنوت!! انت تقصدني أنا.. اتكلم يا مدحت.”
مدحت: “أيوا انتي.”
شيماء: “أنا.. ازاي! واللي حصل بينا من شوية واللي على الفرشة ده ما اثبتلكش إذا كنت بنت بنوت ولا لأ! انت واعي بتقول إيه! انت ازاي تقول عليا كده وانت عارف ومتأكد إني كنت عذراء من ساعة بس وإنك انت الراجل الوحيد اللي لمسني!! انت ليه قولت لبابا كده انطق اتكلم.”
يصفعها مدحت بالقلم بشدة على وجهها قائلاً:
مدحت: “اخرسي يا فاجرة!”
