الحوت زيزي محمد
رحيم اتحركى يا زفته .. جيبلها ميه ….هتروح منى قبل ما اتجوزها.
سماح جريت على التلاجه جابت ميه اتفضلى يا مزة .
رحيم شد الميه من ايديها اشربى يا رحمه … اشربى براحه .
رحمه شربت وبدأت تاخد نفسها مين دى عايزه ايه!!.
سماح انا ياست الكل ..سماح اشطر كوافيرة فى المنطقه دى .
رحمه همست لرحيم خليها تمشي من هنا أنا هعمل ميك اب لنفسي.
رحيم بهمس لا علشان متقوليش ان انا استخسرت فيكى حاجة.
سماح انتوا بتهمسوا بتقولوا ايه … شكلكوا بتحبوا بعض والنبى لايقين على بعض .
رحيم كان مقعد رحمه على كرسى وهو قاعد على ايد الكرسى .. وهوووووب رحيم وقع فى الارض وايد الكرسى انكسر.
رحمه بخضه بسم الله الرحمن الرحيم ايه يا ست انتي امشي من هنا.
رحيم بۏجع يخربيت ابوكى .. كانت شورة سودة .
سماح قربت تقوم رحيم قووم ياسيد الناس … مش عارفه مراتك قارشه ملحتى ليه … اكونشى مرات ابوها وانا مش عارفه.
رحمه مشيها من هنا بالله عليك هرجع.
رحيم خلاص يا سماح أنا رجعت فى كلامى .
سماح طلاق تلاته ما يحصل هاظبطك.
رحمه بقرف مشيها مش قادره مش شايف ضوافرها عامله ازاي…..ابعدها عني.
رحيم قام وشد سماح بعيد عن رحمه وخلى رحمه فى ضهرة .
رحيم خلاص يا سماح امشى … هى قرفت منك .
سماح فى اللحظه دى طلعت البيئه اللي جواها قر… قرفتى من ايه يا رووووحى منى ..دة كل نسوان الحارة يتمنوا ياخدوا ميعاد عند سماح … دة انا اشطر كوافيرة فيكى يا منطقه … دة انا كوافيرى بيشغى ناس .
رحمه بتترعش من الخۏف شايف …شايف بتتكلم ازاي جايبلي واحده تعملي ميك اب ولا تاكلني ف ساندوتش.
رحيم ضحك بصوته كله خلاص بقا يابت … امشى مش هاتمكيجها .
سماح والله خسرانه دة انا كنت هارسملك حنه على جسمك .
رحمه شكرا أنا مش برسم الحاجات دي امشي بقا.
سماح انا ماشيه …بس بكرة تقولوا تعالى يا سماح هاقول لا عندى عرايس … سلام يا سى رحيم ربنا يعينك على الفرسه دى.
رحمه بتبص لرحيم هي دي اللي جايبها تعملي ميك اب مش لاقي الا هي.
رحيم اعملك ايه … دة اشهر كوافيرة على فكرة .
رحيم قرب منها .
رحيم ياروحى دى كانت لو لمست وشك هاترقعك عين … وشك يتشقق وقتى.
رحمه يعني ايه ترقعني عين!
رحيم ياعنى تصوب عينها كدة وتقول يا خرابى على وشها حلو ومفيهوش عيب… يقوم وشك يشقق على طول .
