الحوت زيزي محمد
رحيم ااتنهد اخيرا يا رحمه يالا طفى النور بقا وزى ما قولت مش عاوز صوت.
رحمه قوم اطفيه اخاڤ اطفيه وارجع تاني للسرير ف الضلمه.
رحيم اووووف .
رحيم قام طفاه وجه جنبها ونام ولسه بيروح فى النوم لقاها بتهمس باسمه .
رحمه بهمس رحيم…… انت نمت.
رحيم بصوت نايم اه.
رحمه طيب .. أنا عطشانه.
رحيم يارحمه حرام عليكى بقالى يومين مطبق وعاوز انام.
رحمه يوووه خلاص نام مش عايزه حاجه.
رحيم قام بعصبيه ۏلع النور وجابلها ميه من التلاجه الصغيرة اللى فى اوضته وجه جنبها قومها وسندها .
رحيم اشربى يا رحمه مانشوف اخرتها.
رحمه اخدت منه الميه وشربت شكرا.
رحيم حط الميه جنبه اى حاجة تانيه ولا اطفى النور وانام.
رحمه بنوم لا طفي النور.
رحيم حاضر.
رحيم طفى النور وجه ينام لقها بتهمس باسمه للمرة تانيه.
رحمه بهمس رحيم.
رحيم بصوت مكتوم ومش عاوز يتعصب عليها نعم .
رحمه قوم نلعب سوا اي حاجه.
رحيم ضحك قولى انكى بتهزرى قولى والله .
رحمه بهزر لا بتكلم جد .
رحيم رحمه هو انتى مش عارفه تنامى … خاېفه من الضلمه مثلا.
رحمه أنا بخاف من الضلمه فعلا ومش بعرف انام فيها ولا بعرف انام جنب حد.
رحيم شدها جامد اه ماهو انا مش حد انا جوزك نامى بقا وانا ولا بتحرك ولا بعمل صوت فنامى وخلينى انام .
رحمه يوووووه طيب.
رحيم ورحمه فى ثوانى دخلوا فى النوم والضهر اذن والاتنين نايمين فى سابع نومه وبدء الباب يخبط .
رحمه بنوم ايه ده مين بيخبط!.
رحيم صحى فاجاه ايه مالك .. فى ايه … عاوزة حاجة.
رحمه حد مزعج بيخبط شوف مين قلقني من نومي.
رحيم بصوت رخيم مين .
فوزيه انا سى يا رحيم .
رحيم فى ايه يا فوزيه على الصبح .
فوزيه صبح ايه يا سى رحيم…..احنا الضهر… والرجاله برة عاوزينك تبص على فرشه الفرح .
رحيم طيب هاقوم .
رحمه بص قوم لرجالتك وسيبني انام شويه كمان.
رحيم طبطب على شعرها نامى وقومى على العصر كدة اتجهزى والبسى براحتك علشان الفرح والفستان هايكون عندك كمان شويه .
رحمه بتاخد المخده ف وبتتأوب اوعي تطفي النور وراحت ف النوم تاني…..رحيم خرج واشرف على تجهيزات الفرح وجه المعاد وبعت الفستان لرحمه ….رحمه صحيت شافت فستان ولا في الخيال فستان اميرات بجد.
رحيم بهمس مالك يا رحوم.
