مصيبه في بيتي حكايات زهرة الربيع
من كتر ياسي والخوف على ولادي، بدأت أسمع لكلام الناس. اللي يقولي ده سحر معمولك في البيت عشان تتطلقي، واللي يقولي ده حسد وقر مركز على نظافة بيتك وحياتك. جريت عند العطارين وجبت خلطات وبخور وأعشاب، ورحت لمشايخ وشيوخ يجوا البيت يقرأوا قرآن ويرشوا مية بمحلب وملح خشن… كل واحد ييجي بكلمة وطريقة شكل، وأنا متعلقة بقشة وبنفذ وأنا بعيط. أصحى التاني يوم ألاقي العقارب والفيران بتتحرك عادي جداً ولا كأن فيه حاجة اتعملت!
خفت على عيالي يتأذوا أو يتلغزوا من عقرب ولا حية، الموضوع بقى فوق طاقتي وتفكيري، أخدت هدومي وهدوم ولادي وسبت البيت ورحت عند أهلي. كنت قاعدة هناك دموعي مابتجفش، وحاسة إن بيتي اتخرب وحياتي اتقفلت في وشي وخلاص هتطلق الاستمرار في المكان ده كان معناه الموت وجوزي رافض نسيب البيت وبيقول معندهوش امكانيات لايجار او شقه جديده.
لحد ما جه يوم، لقيت الباب بيخبط وجوزي داخل، ومعاه خالته.. ست كبيرة جاية من الأرياف. جوزي بصلي وقاللي خالتي عرفت باللي بيحصل وجاية عشانك وعشان البيت.
أنا استغربت جداً ورحبت بيها وقعدتها، وقلت في نفسي يعني الدكاترة والشركات والمشايخ معرفوش، الخالة هي اللي هتفهم؟ بس لما قعدنا واتكلمنا، اللي قالتهولي خالة جوزي كان أغرب وأعجب كلام سمعته في حياتي كلها! كلام عمره ما كان يخطر على بالي ولا على بال بشر، والاغرب بقى إن الكلام ده طلع هو السبب الحقيقي فعلا وقدرت تحل الكابوس ده كله في يومين اثنين ..واللي عملته مستحيل حد يستوعبه !!!!!
جمعت الخالة نفس عميق، وباركتلي على سلامتي وعلى عيالي، وبصتلي بعيون شبعانة حكمة وقالتلي بصوت هادي ومترزن:
«يا بنتي.. السحر والحسد حق، والقرآن شفاء، بس ربنا خلق للكون ده أسباب وقوانين.. اللي بيحصل في بيتك ده مش عمل ولا جن، ولا المبيدات نافعة معاه، لأنك بتحاربي العرض وسايبة السبب! أنتوا بترشوا فوق، واللي بيغذي القرف ده كله بيطبخ تحت!»
أنا وبنص عين وبذهول قلتلها: «تحت فين يا خالة؟! الشقة على أحدث طراز، والسباكة ممتازة، والبيت نضيف زي الفلة!»
ابتسمت ابتسامة دافية وقالت لجوزي: «قوم يا ابني هاتلي الفأس الكبيرة اللي في عربيتك، وجيبلي كشاف قوي، وتعالوا ورايا على البدروم أو المنور الخلفي بتاع العمارة.»
